Padmanabha Narayana / पद्मनाभा नारायणा

A Beautiful Takaram Marathi Abhang 

 पद्मनाभा नारायणा

श्रीअनंता मधुसूदना । पद्मनाभा नारायणा ॥१॥

सकळदेवा आदिदेवा । कृपाळुवा जी केशवा ।

महानंदा महानुभावा । सदाशिवा सहजरूपा ॥२॥

अगा ये सगुणा निर्गुणा । जगज्जनित्या जगज्जीवना ।

वसुदेवदेवकीनंदना । बाळरांगणा बाळकृष्णा ॥३॥

तुका आला लोटांगणी । मज ठाव द्यावा जी चरणीं ।

हे चि करीतसें विनवणी । भवबंधनीं सोडवावें ॥४॥

गीत - संत तुकाराम