ಎಷ್ಟು ಸಾಹಸವಂತ ನೀನೇ ಬಲವಂತ'
ರಚನೆ: ಶ್ರೀವಾದಿರಾಜ ಯತಿಗಳು
ಎಷ್ಟು ಸಾಹಸವಂತ ನೀನೇ ಬಲವಂತಾ ದಿಟ್ಟ ಮೂರುತಿ ಭಳಿ ಭಳಿರೇ ಹನುಮಂತಾ || ಪ ||
ಅಟ್ಟುವ ಖಳರೆದೆ ಮೆಟ್ಟಿ ತುಳಿದು ತಲೆ ಕುಟ್ಟಿ ಚಂಡಾಡಿದ ದಿಟ್ಟ ನೀನಹುದೋ
ರಾಮರಪ್ಪಣೆಯಿಂದ ಶರಧಿಯ ದಾಟಿ ಆ ಮಹಾ ಲಂಕೆಯ ಕಂಡೆ ಕಿರೀಟಿ
ಸ್ವಾಮಿ ಕಾರ್ಯವನು ಪ್ರೇಮದಿ ನಡೆಸಿದಿ ಈ ಮಹಿಯೊಳು ನಿನಗಾರೈ ಸಾಟಿ
ದೂರದಿಂದಸುರನ ಪುರವನ್ನು ನೋಡಿ ಭರದಿ ಶ್ರೀರಾಮರ ಸ್ಮರಣೆಯ ಮಾಡಿ
[ ರಾಮಾಯ ರಾಮಭದ್ರಾಯ ರಾಮಚಂದ್ರಾಯ ವೇಧಸೆ ರಘುನಾಥಾಯ ನಾಥಾಯ ಸೀತಾಯಪತಯೇ ನಮಃ ]
ಹಾರಿದೆ ಹರುಷದಿ ಹರಿಸಿ ಲಂಕಿಣಿಯನು ವಾರಿಜಮುಖಿಯನು ಕಂಡು ಮಾತಾಡಿ || 1 ||
ರಾಮರ ಕ್ಷೇಮವ ರಮಣಿಗೆ ಪೇಳಿ ತಾಮಸ ಮಾಡದೆ ಮುದ್ರೆಯ ನೀಡಿ
ಪ್ರೇಮದಿ ಜಾನಕಿ ಕುರುಹನು ಕೊಡಲಾಗ ಆ ಮಹಾವನದೊಳು ಫಲವನು ಬೇಡಿ
ಕಣ್ಣಿಗೆ ಪ್ರಿಯವಾದ ಹಣ್ಣನು ಕೊಯ್ದು ಹಣ್ಣಿನ ನೆವದಲಿ ಅಸುರರ ಹೊಯ್ದು
ಪಣ್ಣಪಣ್ಣನೆ ಹಾರಿ ನೆಗೆನೆಗೆದಾಡುತ ಬಣ್ಣಿಸಿ ಅಸುರನ ಬಲವನು ಮುರಿದು || 2 ||
ಶೃಂಗಾರವನದೊಳಗೆ ಇದ್ದ ರಕ್ಕಸರ ಅಂಗವನಳಿಸಿದೆ ಅತಿರಣಶೂರ
ನುಂಗಿ ಅಸ್ತ್ರಗಳ ಅಕ್ಷಯ ಕುವರನ ಭಂಜಿಸಿ ಬಿಸುಟೆಯೋ ಬಂದ ರಕ್ಕಸರ
ದೂರು ಪೇಳಿದರೆಲ್ಲಾ ರಾವಣನೊಡನೆ ಚೀರುತ್ತಾ ಕರೆಸಿದಾ ಇಂದ್ರಜಿತುವನೆ
ಚೋರಕಪಿಯನು ಹಿಡಿತಹುದೆನ್ನುತ ಶೂರರ ಕಳುಹಿದ ನಿಜಸುತನೊಡನೆ || 3 ||
ಪಿಡಿದನು ಇಂದ್ರಜಿತು ಕಡುಕೋಪದಿಂದಾ ಹೆಡೆಮುರಿ ಕಟ್ಟಿದಾ ಬ್ರಹ್ಮಾಸ್ತ್ರದಿಂದಾ
ಗುಡುಗುಡುಗುಟ್ಟುತ ಕಿಡಿಕಿಡಿಯಾಗುತ ನಡೆದನು ಲಂಕೆಯ ಒಡೆಯನಿದ್ದೆಡೆಗೆ
ಕಂಡನು ರಾವಣನುದ್ದಂಡ ಕಪಿಯನು ಮಂಡೆಯ ತೂಗುತ ಮಾತಾಡಿಸಿದನು
ಭಂಡು ಮಾಡದೆ ಬಿಡೆ ನೋಡು ಕಪಿಯನೆ ಗಂಡುಗಲಿಯು ದುರುದುರಿಸಿ ನೋಡಿದನು || 4 ||
ಛಲವ್ಯಾಕೋ ನಿನಗಿಷ್ಟು ಎಲವೋ ಕೋಡಗನೇ ನೆಲೆಯಾವುದ್ಹೇಳೋ ನಿನ್ನೊಡೆಯನ್ಹೆಸರನು
ಬಲವಂತ ರಾಮರ ಬಂಟ ಬಂದಿಹೆನು ಹಲವು ಮಾತ್ಯಾಕೊ ಹನುಮನು ನಾನೆ
ಬಡ ರಾವಣನೆ ನಿನ್ನ ಬಡಿದು ಹಾಕುವೆನು ಒಡೆಯನಪ್ಪಣೆಯಿಲ್ಲ ಎಂದು ತಾಳಿಹೆನು
ಹುಡಿಯೇಳಿಸುವೆನು ಖುಲ್ಲ ರಕ್ಕಸನೆ ತೊಡೆವೆನು ನಿನ್ನ ಹಣೆಯ ಅಕ್ಷರವಾ || 5 ||
ನಿನ್ನಂಥಾ ದೂತರು ರಾಮನ ಬಳಿಯೊಳು ಇನ್ನೆಷ್ಟು ಮಂದಿಯುಂಟು ಹೇಳೋ ನೀ ತ್ವರಿಯಾ
ನನ್ನಂಥ ದೂತರು ನಿನ್ನಂಥ ಪ್ರೇತರು ಇನ್ನೂರು ಮುನ್ನೂರು ಕೋಟಿಗಳರಿಯ
ಕಡುಕೋಪದಿಂದಲಿ ಖೂಳ ರಾವಣನು ಸುಡಿರೆಂದ ಬಾಲವ ಸುತ್ತಿ ವಸನವನು
ಒಡೆಯನ ಮಾತಿಗೆ ತಡೆಬಡೆಯಿಲ್ಲದೆ ಒಡನೆ ಮುತ್ತಿದರು ಗಡಿಮನೆಯವರು || 6 ||
ತಂದರು ವಸನವ ತಂಡ ತಂಡದಲೀ ಒಂದೊಂದು ಮೂಟೆ ಎಂಭತ್ತು ಕೋಟಿಯಲಿ
ಚಂದದಿ ಹರಳಿನ ತೈಲದೊಳದ್ದಿಸಿ ನಿಂದ ಹನುಮನು ಬಾಲವ ಬೆಳೆಸುತ
ಶಾಲು ಸಕಲಾತಿಯು ಸಾಲದೆ ಇರಲು ಬಾಲೇರ ವಸ್ತ್ರವ ಸೆಳೆದು ತಾರೆನಲು
ಬಾಲವ ನಿಲ್ಲಿಸೆ ಬೆಂಕಿಯನಿಡುತಲಿ ಕಾಲಮೃತ್ಯುವ ಕೆಣಕಿದರಲ್ಲಿ || 7 ||
ಕುಣಿಕುಣಿದಾಡುತ ಕೂಗಿ ಬೊಬ್ಬಿಡುತ ಇಣುಕಿ ನೋಡುತ ಅಸುರನಣಕಿಸುತ
ಝಣಝಣಝಣರನೆ ಬಾಲದ ಘಂಟೆಯು ಮನದಿ ಶ್ರೀರಾಮರ ಪಾದವ ನೆನೆಯುತಾ
ಮಂಗಳಂ ಶ್ರೀರಾಮಚಂದ್ರ ಮೂರುತಿಗೆ ಮಂಗಳಂ ಸೀತಾದೇವಿ ಚರಣ೦ಗಳಿಗೆ
ಮಂಗಳವೆನುತಾ ಲಂಕೆಯ ಸುಟ್ಟು ಲಂಘಿಸಿ ಅಸುರನ ಗಡ್ಡಕೆ ಹಿಡಿದ || 8 ||
ಹತ್ತಿತು ಅಸುರನ ಗಡ್ಡ ಮೀಸೆಗಳು ಸುತ್ತಿತು ಹೊಗೆ ಬ್ರಹ್ಮಾಂಡ ಕೋಟಿಯೊಳು
ಚಿತ್ತದಿ ರಾಮರು ಕೋಪಿಸುವರು ಎಂದು ಚಿತ್ರದಿ ನಡೆದನು ಅರಸನಿದ್ದೆಡೆಗೆ
ಸೀತೆಯ ಕ್ಷೇಮವ ರಾಮರಿಗ್ಹೇಳಿ ಪ್ರೀತಿಯಿಂ ಕೊಟ್ಟ ಕುರುಹ ಕರದಲ್ಲಿ
ಸೇತುವೆ ಕಟ್ಟಿ ಚತುರಂಗ ಬಲಸಹ ಮುತ್ತಿತು ಲಂಕೆಯ ಸೂರೆಗೈಯುತಲಿ || 9 ||
ವೆಗ್ಗಳವಾಯಿತು ರಾಮರ ದಂಡು ಮುತ್ತಿತು ಲಂಕೆಯ ಕೋಟೆಯ ಕಂಡು
ಹೆಗ್ಗದ ಕಾಯ್ವರ ನುಗ್ಗು ಮಾಡುತಿರೆ ಧಗ್ಗನೆ ಪೇಳ್ದರು ರಾವಣಗಂದು
ರಾವಣ ಮೊದಲಾದ ರಾಕ್ಷಸರ ಕೊಂದು ಭಾವಶುದ್ಧದಲಿ ವಿಭೀಷಣ ಬಾಳೆಂದು
ದೇವಿ ಸೀತೆಯನೊಡಗೊಂಡು ಅಯೋಧ್ಯೆಯ ದೇವ ಶ್ರೀರಾಮರು ರಾಜ್ಯವಾಳಿದರು || 10 ||
ಶಂಖದೈತ್ಯನ ಕೊಂದೆ ಶರಣು ಶರಣಯ್ಯಾ ಶಂಖಗಿರಿಯಲಿ ನಿಂದ ಹನುಮಂತರಾಯ
ಪಂಕಜಾಕ್ಷ ಹಯವದನನ ಕಟಾಕ್ಷದಿ ಬಿಂಕದಿ ಪಡೆದೆಯೋ ಅಜನ ಪದವಿಯ || 11 ||
ತಾಮಸ = ತಡ (delay)
ಭಂಡು = ಅವಮಾನ
ಹುಡಿ = ಧೂಳು, ಮಣ್ಣು. ಹುಡಿಯೇಳಿಸು = ಧೂಳೆಬ್ಬಿಸು
ಖುಲ್ಲ = ಕ್ಷುದ್ರತೆ, ಅಲ್ಪವಾದ
ವಸನ = ಬಟ್ಟೆ
ಸಕಲಾತಿ = ಒಂದು ಬಗೆಯ ಶ್ರೇಷ್ಟವಾದ ಉಣ್ಣೆ ಬಟ್ಟೆ
ಚಿತ್ರ = (ನಾ)ಆಶ್ಚರ್ಯ, (ಗು) ಚಮತ್ಕಾರ ಪ್ರಧಾನವಾದ. ಚಿತ್ರದಿ ನಡೆದನು = ಆಶ್ಚರ್ಯಕರವಾಗಿ, ಚಮತ್ಕಾರದಂತೆ
ವೆಗ್ಗಳ = ಹೆಚ್ಚಳ
Eshtu sahasavanta neene balavanta dittu Maruti Bhali bhali re Hanumanta || P ||
Attuva khalarede metti tulidu tale kutti Chandaadida dittu neenahudo
Ramara appaneyinda sharadhiyadati A maha lankeya kande kireeti Swami karyavanu premadi nadesidi Ee mahiol ninna garai saati Duuradinda suran puravannu nodi Bharadi Shriramara smaraneya madi Ramaya Ramabhadraya Ramachandraya Vedhase Raghunathaya Nathaya Sitayapataye namaha Haride harushadi harisi lankiniyanu Varijamukhiyanu kandu mataadi || 1 ||
Ramara kshemava ramani ge pelli Tamasam madade mudreya nidi Premadi Janaki kuruhanu kodalagi A mahavanadol phalavanu bedi Kannige priyavada hannanu koydu Hannina nevadali asurara hoydu Pannapannane hari negene gedadut Bannisi asurana balavanu muridu || 2 ||
Shrungaravanadolage itta rakkasara Angavanaliside atiranashura Nungi astragala Akshaya Kuvarana Bhanjisi bisuteyo banda rakkasara Dura pelidarellaa Ravananodane Chirruttarese Indrajituvane Chorakapiyanu hiditahudenuta Shurara kaluhida nijasutanodane || 3 ||
Pididanu Indrajitu kadukopadinda Hede muri kattida Brahmastradainda Gudugudugututta kidikidi aguta Nadidanu lankeya odeyaniddege Kandanu Ravananuddanda Kapiyanu mandeya tuugut matadidanu Bhandu madade bide nodu kapiyane Gandugaleyu durudursi nodidanu || 4 ||
Chalavyako ninagistu elavo kodagane Nelayaavudhello ninnodeyan hesaranu Balavanta Ramara banta bandihenu Halu matyako Hanumanu nane Bada Ravanan ninna badi haakuvenu Odeyan appaneyillendu talihenu Hudiyelisuvanu khulla rakkasane Todevenu ninna haneya aksharava || 5 ||
Ninnanta dhootharu Ramana baliyolu Inneshtu mandiyuntu helo nee thvariya Nannanta dootharu ninnanta pretaru Innuuru munnuru kotigalaria Kadukopadindali khoola Ravana Sudiren dena baala sutti vasanavanu Odeyana matige thade badeyillade Odane muttidaru gadimaneyavaru || 6 ||
Tandar vasanava tanda tandadali Ondondu moote embhattu kotiyali Chandadi haralina tailadoladisi Ninda Hanumanu baalav belesu Shalu sakalathiyu salade iralu Baalera vastrava seledutarenalu Baalav nillise benkiyanidutali Kaala mrutyuv kenakidarelli || 7 ||
Kunikunidaadut kogi bobbiduta Inuki noduta asurananakisuta Jhana jhananene baalada ghantheyu Manadi Shriramara padava neneyuta Mangalama Shrirama chandra moortige Mangalama Sitaadevi charanagalege Mangalavenuta lankeya suttu langhisi Asuran gada ke hidida || 8 ||
Hattitu asuran gada meesegalu Suttitu hoge Brahmanda kotiyolu Chittadi ramara kopisuvare endu Chitradi nadedanu arasaneedhege Siteya kshemava Ramara gheli Preeti yim kottakuruha karadalli Setuve katti chaturanga balasa Muttitu lankeya soore gailutalli || 9 ||
Veggalavayitu Ramara dandu Muttitu lankeya koteya kandu Heggada kayvaranuggu madutire Dhaggane peldaru Ravana gandu Ravana modalada rakshasara kondu Bhavashuddadali Vibhishana balendu Devi Sityanodagond Ayodhyeya Deva Shriramaru rajyavalidaru || 10 ||
Shankhadaithyana konde sharanu sharanayya Shankhagiriyali ninda Hanumantarya Pankajaksheya vadanana katakshadi Binkadi padedeyo ajana padaviya || 11 ||
