एकतारीसंगे एकरूप झालो
एकतारीसंगे एकरूप झालो
आम्ही विठ्ठलाच्या भजनात न्हालो
गळा माळ शोभे आत्मरूप शांती
भक्ति-भाव दोन्ही धरू टाळ हाती
टिळा विरक्तीचा कपाळास ल्यालो
भूक भाकरीची छाया झोपडीची
निवार्यास घ्यावी ऊब गोधडीची
माया-मोह सारे उगाळून प्यालो
पूर्व पुण्य ज्याचे मिळे सुख त्याला
कुणी राव होई, कुणी रंक झाला
मागणे न काही सांगण्यास आलो
गीत - जगदीश खेबूडकर
संगीत - सुधीर फडके
No comments:
Post a Comment